“USS George Washington” Aviadaşıyıcısından EA-18G Growler Təyyarəsinin Uçuşu Həyata Keçirilib
Yaxın Şərqdə və strateji dəniz dəhlizlərində təhlükəsizliyin təmin olunması, eləcə də regional blokada tədbirlərinin həyata keçirilməsi məqsədilə ABŞ Hərbi Dəniz Qüvvələri tərəfindən aviadaşıyıcı qrupların fəal patrul xidməti davam etdirilir.
ELAZ.INFO xəbər verir ki, ABŞ Hərbi Dəniz Qüvvələrinə məxsus “USS George Washington” (CVN 73) aviadaşıyıcısının göyərtəsindən “EA-18G Growler” tipli elektron mübarizə təyyarəsinin uçuşu reallaşdırılıb. Məlumata görə, həmin elektron mübarizə təyyarəsi İran limanlarına və sahilyanı ərazilərinə qarşı tətbiq edilən ABŞ-nin blokadasının və dəniz təhlükəsizliyi rejiminin saxlanılması da daxil olmaqla, tapşırılmış xüsusi missiyaların icrasını təmin edir.”EA-18G Growler” təyyarələri rəqibin radar və rabitə sistemlərinin sıradan çıxarılması, düşmən hava hücumundan müdafiə vasitələrinin neytrallaşdırılması və hərbi dəniz əməliyyatlarında dəniz qüvvələrinin təhlükəsizliyinin təmin olunmasında müstəsna rol oynayır.
Ruslan MƏMMƏDOV
