ELAZ.İNFO, BAKI, 05.05.2025.
ELAZ.İNFO xəbər verir ki, Tramp məşhur Alkatraz həbsxanasının bərpasına və yenidən açılmasına göstəriş verib.
ABŞ prezidenti Donald Trampın sərəncamı ilə San-Fransisko körfəzindəki bir adada yerləşən məşhur Alkatraz həbsxanası bərpa edilərək açılacaq. Bu barədə o, bazar ertəsi, mayın 5-də “Truth Social” sosial şəbəkəsindəki səhifəsində yazıb.
Bəyanatda deyilir ki, “Bu gün mən Ədliyyə Departamenti, FTB və Daxili Təhlükəsizlik Departamenti ilə birlikdə Həbsxanalar Bürosuna əsaslı şəkildə genişləndirilmiş və yenidən qurulmuş Alcatraz-ı yenidən açmağa göstəriş verirəm”.
Yenilənmiş Alkatrazda ABŞ-ın “ən təhlükəli” cinayətkarları yerləşəcək. Tramp həbsxananın açılmasının “qanun, nizam və ədalətin simvolu” olacağını deyib.
Bundan əvvəl, yanvarın 30-da kiçik Donald Tramp qeyri-qanuni immiqrantlar üçün Alkatraz həbsxanasının yenidən açılmasını təklif etmişdi. O, sosial şəbəkə istifadəçisinin Trampın Quantanamo həbsxanasında qeyri-qanuni mühacirlərdən olan cinayətkarlar üçün 30 000-ə qədər yerin hazırlanması ilə bağlı sərəncam imzalayacağını iddia edən xəbər postunu belə şərh edib.
Esmira RƏHİMOVA
