Tarixdə dönüş nöqtəsi olan 11 sentyabr 2001-ci il hücumları təkcə Amerikanın deyil, bütün dünyanın taleyini dəyişdi. Dünyaya “Əl-Qaidə və Üsamə bin Ladenin hücumu” kimi təqdim edilən bu hadisə əslində qlobal siyasətin pərdəarxası mətləblərini ifşa edən teatr səhnəsi idi.
Mahir Kaynakın illər öncəki qiymətləndirməsi bu gün də yaddaşımızda təzədir:
-“Əfqanıstandan çıxacaqsan, dünyanın ən güclü kəşfiyyat şəbəkəsi ilə ölkənin sərhədlərini keçəcəksən, Amerika sərnişin təyyarələrini qaçıracaqsan, Əkiz Qüllələri vuracaqsan… Buna inanırsansa, sadəlövhsən”.
Onun fikrincə, bu hücumu bir neçə terrorçunun fərasəti və resursları ilə izah etmək olmaz. Mənbə bildirib ki, bu, dörd böyük kəşfiyyat orqanının birgə planlaşdırdığı əməliyyatdır. Həqiqətən də hücumdan sonrakı hadisələr bu tezisin doğruluğunu daha da gücləndirdi:
Əfqanıstan işğal olundu.
İraq işğal olundu. İran daimi hədəfə alınıb.
Bütün bunlar hücumun əslində Yaxın Şərqi hədəf alan yeni dizayn hərəkatı üçün “qanuni əsaslandırma” olduğunu nümayiş etdirdi. Dünyanın gözü qarşısında milyonlarla insanın həyatına son qoyan müharibələr, işğallar və dağıntılar bu teatrın pərdə arxasında yazılan ssenarilərlə üzə çıxdı.
Bu gün siyasi səhnəyə nəzər saldıqda Mahir Kaynakın müşahidəsi daha da mənalı olur:
-“Siyasət böyük güclərin oynadığı bir teatrdır”. Bu teatrın aktyorları dövlət başçıları, terror təşkilatları və ya liderlərdir. Lakin pərdə arxasındakı rejissorlar kəşfiyyat agentlikləri, qlobal güc mərkəzləri və şəxsi maraq şəbəkələridir.
Odur ki, bu həqiqəti dərk etməliyik:
Gördüyümüz səhnəyə aldanmaqdansa, pərdə arxasında yazılan ssenarini başa düşməliyik. Çünki siyasət sadəcə seçki qutusunda və ya parlamentdə oynanan bir oyun deyil; bu, qlobal strategiyalar, iqtisadi maraqlar və məxfi xidmətlər tərəfindən təşkil edilən bir teatrdır.
Nurettin DURSUN-Türkiyə
