ELAZ.İNFO xəbər verir ki, Bakıda UEFA-nın Elit Məşq Layihəsi çərçivəsində seleksiya xarakterli təlim-məşq toplanışı keçirilir.
Toplanışda layihənin 6 regional məntəqədən seçilmiş 26 futbolçu və 8 məşqçi iştirak edir. Təlim prosesi çərçivəsində ümumilikdə 8 məşq və bu gün saat 11:00-da, ikitərəfli yoxlama oyununun keçirilməsi planlaşdırılır.
Qeyd edək ki, təlim-məşq toplanışında UEFA-nın nümayəndəsi Milenko Acimoviç də iştirak edir. Elit məşq layihəsi gənc futbolçuların potensialının üzə çıxarılması və onların inkişafına yönəlmiş mühüm proqramlardan biridir.
Nadir HÜSEYNOV
