Salyan rayon Mədəniyyət Mərkəzinin təşkilatçılığı ilə cəmiyyətdə şəffaflığın artırılması və korrupsiyaya qarşı mübarizənin gücləndirilməsi məqsədilə “Korrupsiyaya yox deyək!” adlı maarifləndirici tədbir keçirilib.
ELAZ.İNFO xəbər verir ki, tədbirdə dövlət siyasətinin prioritet istiqamətlərindən olan antikorrupsiya fəaliyyəti və bu sahədə görülən genişmiqyaslı işlər ətraflı müzakirə olunub. Müzakirə olunan əsas məsələlər: Tədbir iştirakçılarına korrupsiyanın dövlət idarəçiliyinə və cəmiyyətin mənəvi dəyərlərinə vurduğu ziyanlar barədə geniş məlumat verilib. Maarifləndirmə sessiyasında aşağıdakı vacib məqamlara toxunulub: Korrupsiya hüquqpozmalarına görə tətbiq edilən inzibati və cinayət məsuliyyəti tədbirləri. Korrupsiyanın ictimai sabitliyə, iqtisadi inkişafa və vətəndaş məmnunluğuna göstərdiyi mənfi təsirlər. Korrupsiyaya şərait yaradan amillərin aradan qaldırılması yolları və ölkəmizdə uğurla tətbiq edilən antikorrupsiya strategiyasının əsas istiqamətləri. Rəqəmsal xidmətlərin və “ASAN xidmət” modelinin korrupsiyaya qarşı mübarizədəki rolu.
Tədbirin sonunda iştirakçıları maraqlandıran suallar cavablandırılıb və cəmiyyətin hər bir üzvünün bu mübarizədə fəal iştirak etməsinin vacibliyi vurğulanıb.
Ruslan MƏMMƏDOV