ELAZ.İNFO xəbər verir ki, ABŞ-da Delta Hava Yollarına məxsus sərnişin təyyarəsi havada olarkən B-52 bombardmançı təyyarəsini vurmamaq üçün təhlükəli manevr etmək məcburiyyətində qalıb. Cümə günü baş verən, lakin bazar günü ictimaiyyətə açıqlanan hadisə ilə bağlı araşdırma başladılıb.
ABC News-un məlumatına görə, Delta pilotu Şimali Dakota ştatının Minot şəhərinə yaxınlaşarkən B-52 bombardmançı təyyarəsi ilə toqquşmamaq üçün “aqressiv manevr” etdiyini bildirib.
Aviaşirkətdən verilən məlumata görə, hadisə iyulun 18-də baş verib. SkyWest şirkətinin idarə etdiyi təyyarə Minneapolisdən havaya qalxıb. Enişdən sonra pilot qəfil hərəkətinə görə üzr istəyib və vəziyyəti sərnişinlərə izah edib.
İlahə BAYINDIR
