ELAZ.İNFO xəbər verir ki, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti rəqəmsal platformalarda fəaliyyətini genişləndirir. Qurumun rəsmi TikTok hesabı artıq istifadəçilərin ixtiyarına verilib.
Yeni platforma vasitəsilə Xidmətin fəaliyyəti, çağırışaqədərki hazırlıq və hərbi vətənpərvərlik mövzularında mütəmadi paylaşımlar ediləcək. Hesabın əsas məqsədləri aşağıdakılardır:
Hərbi xidmətə çağırış qaydaları və yeniliklər barədə qısa, anlaşıqlı videoların təqdim edilməsi.
Milli ruhda videolar vasitəsilə gənc nəsildə orduya sevgi və marağın artırılması.
Vətəndaşları maraqlandıran sualların müasir formatda cavablandırılması.
İstifadəçilər TikTok platformasında Xidmətin rəsmi səhifəsini taparaq ən son məlumatlardan anında xəbərdar ola bilərlər. Bu addım dövlət qurumlarının şəffaflıq və əlçatanlıq strategiyasının tərkib hissəsi kimi qiymətləndirilir.
Ruslan MƏMMƏDOV
