ElAZ.İNFO xəbər verir ki, Rusiyanın dövlət korporasiyası “Rostex” pilotsuz uçuş aparatlarının (PUA) istehsalında xarici asılılığı minimuma endirdiyini bəyan edib. Səudiyyə Ərəbistanında keçirilən “World Defense Show 2026” sərgisi çərçivəsində verilən açıqlamaya görə, artıq PUA-lar üçün kritik komponentlər mühərriklər, naviqasiya sistemləri və elektronika yerli müəssisələrdə istehsal olunur.
Rostex in silahlanma klasterinin sənaye direktoru Bekxan Ozdoev bildirib ki, hazırda Ukraynadakı hərbi əməliyyatlar zonasında korporasiyanın istehsalı olan 10-dan çox müxtəlif tipdə kəşfiyyat və zərbə pilotsuz aparatları tətbiq edilir.
Müəssisələrimiz yalnız dron yığmır, həm də onların ‘beyni’ və ‘ürəyi’ sayılan mühərrik, elektronika və idarəetmə sistemlərini hazırlayır, deyə Ozdoev qeyd edib.
Rusiya hərbi sənayesinin təqdim etdiyi yeni nəsil dronlar sırasına bunlar daxildir: Standart təyyarə tipli PUA-lar: Uzunmüddətli kəşfiyyat və uzaq məsafəli zərbələr üçün. Hibrid modellər: Şaquli qalxma və enmə (VTOL) qabiliyyətinə malik olan aparatlar. Additiv texnologiyalar: Dron hissələrinin hazırlanmasında müasir 3D çap texnologiyalarından geniş istifadə olunur ki, bu da istehsal sürətini artırır.
Məlumatda o da qeyd olunur ki, Rusiya istehsalı olan PUA-ların döyüş meydanındakı real sınaqları xarici sifarişçilərin, xüsusən Yaxın Şərq ölkələrinin marağına səbəb olub. Federal Hərbi-Texniki Əməkdaşlıq Xidməti (FSVTS) artıq bir neçə dövlətdən bu texnologiyaların alınması ilə bağlı müraciət daxil olduğunu təsdiqləyib.
Ruslan MƏMMƏDOV
