ELAZ.İNFO xəbər verir ki, Türkiyənin xarici işlər və müdafiə nazirləri çərşənbə günü İslamabada səfəri zamanı Pakistan rəsmiləri ilə müdafiə və enerji sahəsində əməkdaşlığı müzakirə ediblər.
Yeri gəlmişkən bildirk ki, Türkiyə ilə Pakistanın güclü əlaqələri var və Ankara may ayında Hindistanla hərbi münaqişə zamanı Pakistanla həmrəy olduğunu ifadə edərək Hindistanı qəzəbləndirmişdi.
Reuters yazır ki, səfər çərçivəsində Türkiyənin xarici işlər naziri Hakan Fidan və müdafiə naziri Yaşar Gülər Pakistanın baş naziri Şehbaz Şərif, Pakistan Hərbi Hava Qüvvələrinin komandanı hava marşalı Zahir Əhməd Babar Sidhu və başqaları ilə görüşüb.
Türkiyə Müdafiə Nazirliyi danışıqlardan sonra verdiyi açıqlamada, Gülər və Sidhu arasında regional müdafiə və təhlükəsizlik, eləcə də müdafiə sənayesində əməkdaşlıq sahələrini müzakirə etdiklərini və Sidhunun Pakistanın qabaqcıl təlim əməliyyatları və aviasiya texnologiyaları sahəsində əlaqələri yaxşılaşdırmaq istəyini çatdırdığını bildirib.
Gülər həmçinin müdafiə sənayesində, o cümlədən aviasiya və dronlarla bağlı birgə layihələrin əhəmiyyətini vurğulayıb.
İslamabadda mətbuat konfransında danışan Fidan, aprel ayında Pakistan sahillərində neft və qaz kəşfiyyatının birgə aparılması barədə razılığa gəldikdən sonra iki ölkənin mədən, təbii qaz, neft və nadir elementlər sahələrində əməkdaşlıq imkanlarını qiymətləndirdiklərini söylədi
Məlumat üçün bildirək ki, Ankaranın Hindistanla da səmimi əlaqələri var, lakin münaqişədə Pakistana verdiyi dəstəkdən sonra Hindistanın kiçik ərzaq mağazaları və böyük onlayn moda pərakəndə satış şirkətləri türk məhsullarını boykot etdi,
İlahə BAYINDIR
