ELAZ.İNFO xəbər verir ki, qış aylarında müşahidə olunan mövsümi affektiv pozuntular və emosional gərginliklə mübarizədə işıq terapiyası effektiv üsul hesab olunur. Rusiya Elmlər Akademiyasının Psixologiya İnstitutunun böyük elmi işçisi, psixologiya üzrə fəlsəfə doktoru Yuliya Bıxovets bu vəziyyətdən çıxış yollarını elmi faktlarla izah edib.
Yuliya Bıxovets qeyd edir ki, qışda gün işığının azalması insan psixologiyasına birbaşa təsir edir. Ekspertin vurğuladığı əsas faktlar bunlardır:
1980-ci illərdə bu fenomen təsvir edildikdən dərhal sonra ultrabənövşəyi işığın korreksiyaedici təsiri üzərində çoxsaylı tədqiqatlar aparılıb. Təbii gün işığını imitasiya edən xüsusi lampalar altında gündə 20-30 dəqiqə vaxt keçirmək emosional vəziyyəti yaxşılaşdıra bilər. 1995-ci ildə aparılan müqayisəli tədqiqatlar sübut edir ki, süni işıq melatonin səviyyəsinə zəif təsir edir. Təbii işıqda günorta saatlarında edilən bir saatlıq gəzintilər orqanizmdə melatonin istehsalını daha güclü stimullaşdırır.
Psixoloqun fikrincə, mənəvi vəziyyəti qorumaq üçün gündəlik planlara “kiçik sevinclər” əlavə edilməlidir. İnsana tanış olan və əhvalını həqiqətən qaldıran detallar bu dövrü daha rahat keçirməyə kömək edir. Əgər vəziyyət ağırlaşarsa, iş qabiliyyəti itərsə və əvvəllər yaşanmayan dərin depressiv hisslər yaranarsa, mütləq mütəxəssisə — həkim, psixoloq və ya terapevtə müraciət etmək lazımdır,” — deyə Yuliya Bıxovets xəbərdarlıq edib.
Ruslan MƏMMƏDOV
