ELAZ.İNFO xəbər verir ki, Sidneydəki yəhudi icmasının lideri Arsen Ostrovski mərasimdə həyat yoldaşı və uşaqları ilə birlikdə iştirak edirdi. Hücum zamanı başından güllə yarası alan Ostrovski Avstraliyanın yerli xəbər agentliyi 9News-a bildirib ki, “Bu, tam bir xaos idi”.
Ostrovski hücum edənlərin hər tərəfə təsadüfi atəş açdığını söyləyərək əlavə edib: “İnsanların yerə yıxıldığını gördüm. Uşaqların, yaşlıların, əlillərin yıxıldığını gördüm. Hər yerdə qan fışqırdı”.
AFP-yə danışan 25 yaşlı tələbə Kamilio Diaz deyib: “Bu, şok idi, 10 dəqiqə ərzində yalnız atəş səsləri eşidildi. Güclü bir silah kimi səsləndi”.
O vaxt çimərlikdə olan bir britaniyalı turist də qara geyimli iki silahlının yarıavtomatik tüfənglərdən istifadə etdiyini gördüyünü bildirib.
Günel GÜNTAC
