ELAZ.İNFO, BAKI, 19.05.2025.
ELAZ.İNFO xəbər verir ki, “Şindlerin siyahısı”nın aktyoru Ralf Fiennes də daxil olmaqla 380-dən çox kino xadimi Kann Film Festivalının açılışı ərəfəsində mayın 13-ü çərşənbə axşamı dərc olunan açıq məktubda Qəzzada “soyqırım” adlandırdıqları hadisəni pisləyib.
Fransanın “Liberation” qəzetində və Amerikanın “Variety” jurnalında Fələstin tərəfdarı olan bir neçə fəal qrup tərəfindən dərc edilmiş məktubda deyilir:
-“Qəzzada soyqırım baş verərkən səssiz qala bilmərik”.
Riçard Gere və Susan Sarandon da daxil olmaqla, Hollivud ulduzlarının, eləcə də məşhur ispan rejissoru Pedro Almodovar və Kann Film Festivalının keçmiş qalibi Ruben Östlundun daxil olduğu imzaçılar Qəzzada fotojurnalist Fatimə Hassunanın öldürülməsini də pisləyiblər.
Hassuna keçən ay 10 qohumu ilə birlikdə İsrailin Qəzzanın şimalında onun ailəsinin evinə hücumu nəticəsində həlak olub. Onun ölümü sənədli filmin Kann Film Festivalında nümayişi elan edildikdən bir gün sonra baş verib.
Materialı hazırladı:
İlahə BAYINDIR
