ELAZ.İNFO xəbər verir ki, Əmək və Əhalinin Sosial Müdafiəsi Nazirliyində BP şirkətinin regional prezidenti Cio Kristofoli ilə mühüm görüş keçirilib. Görüşdə nazir Anar Əliyev tərəflər arasında formalaşmış uğurlu əməkdaşlıq təcrübəsini və icra olunan birgə layihələrin əhəmiyyətini vurğulayıb.
Tərəflər xüsusilə “Əlilliyi olan şəxslərin məşğulluq qabiliyyətinin artırılması” layihəsinin önəmini qeyd ediblər. Bu layihə həssas kateqoriyadan olan vətəndaşların əmək bazarına inteqrasiyasına və inklüziv məşğulluğun təşviqinə mühüm töhfə verir. Görüşdə həmçinin aşağıdakı istiqamətlər üzrə əməkdaşlıqdan bəhs olunub: Ölkədə əhali sakinliyinin inkişafı sahəsində birgə araşdırmaların aparılması; Nazirliyin mütəxəssislərinin peşəkarlığının artırılması; BP-nin fəaliyyətində həssas qruplara yönəlmiş layihələrin genişləndirilməsi.
BP-nin regional prezidenti Cio Kristofoli şirkətin sosial məsuliyyət strategiyasında əlilliyi olan şəxslərə dəstəyin mühüm yer tutduğunu bildirib. Görüşün sonunda müsbət təcrübənin davam etdirilməsi və yeni perspektivli layihələrin həyata keçirilməsi barədə fikir mübadiləsi aparılıb.
Ruslan MƏMMƏBOV
