Elaz.info Dini Qurumlarla İş üzrə Dövlət Komitəsinə istinadən bildirir ki, martın 18-də Dini Qurumlarla İş üzrə Dövlət Komitəsinin (DQİDK) Qazax-Tovuz regional bölməsinin təşkilatçılığı ilə Tovuz rayonunda yerləşən “N” saylı hərbi hissədə “İslamda şəhidlik anlayışı” mövzusunda tədbir keçirilib.
Tədbirdə Dövlət Komitəsinin Qazax-Tovuz regional bölməsinin müdiri vəzifəsini icra edən Pərvin Zeynalov, din xadimi İmkan Qasımov, eləcə də hərbi hissənin şəxsi heyəti iştirak edib.
Çıxışlarda mövzunun əhəmiyyətindən danışılıb. Azərbaycançılıq ideyası, milli-mənəvi, mədəni dəyərlərin qorunub saxlanılmasının, inkişaf etdirilməsinin vacibliyindən bəhs edilib və İslamda şəhidlik anlayışı haqqında geniş söhbət aparılıb.
