ELAZ.İNFO xəbər verir ki, ABŞ-da yerləşən texnologiya şirkəti HP qlobal işçi qüvvəsini 4000 ilə 6000 arasında azaltmaq planlarını açıqladı.
31 oktyabrda bitən üç aylıq dövrü maliyyə təqvimində dördüncü rüb kimi tanıyan HP maliyyə hesabatlarını açıqladı.
HP maliyyə hesabatlarında süni intellektdən istifadə etməklə müştəri məmnuniyyətini, məhsul innovasiyasını və səmərəliliyi artırmaq üçün şirkət miqyasında təşəbbüs də elan etdi.
Bəyanatda şirkətin qlobal işçi qüvvəsini 4000 ilə 6000 arasında azaltmağı planlaşdırdığı bildirilir.
Bəyanatda qeyd olunur ki, restrukturizasiya və digər xərclər səbəbindən təxminən 650 milyon dollar əmək və qeyri-əmək xərclərinin yaranacağı gözlənilir, 2026-cı maliyyə ilində isə təxminən 250 milyon dollar xərclənməsi gözlənilir.
Günel GÜNTAC
