ELAZ.İNFO xəbər verir ki, RİA Novosti-yə istinadən xəbər verir ki, Rusiya prezidenti Vladimir Putin bir müddət əvvəl onu və Rusiyanı “kağız pələng” adlandıran ABŞ prezidenti Donald Trampın sözlərinə münasibət bildirib.
“Ola bilsin ki, ironiya ilə deyilib… O (Donald Tramp) həmsöhbətinə kağız pələngdən danışıb… Yaxşı, onda get kağız pələnglə məşğul ol.
Əgər biz bütün NATO bloku ilə müharibə vəziyyətindəyiksə və özümüzü bu qədər arxayın hiss ediriksə və buna baxmayaraq biz kağız pələngiksə, NATO-nun özü nədir? Ən əsası arxayın olmaqdır və biz özümüzə arxayınıq” – deyə Vladimir Putin bildirib.
Xatırladaq ki, Donald Tramp bu yaxınlarda ABŞ-ın yüksək rütbəli hərbi zabitlərinə Rusiya prezidenti Vladimir Putindən “məyus” olduğunu və Təhlükəsizlik Şurasının sədr müavini Dmitri Medvedevi “axmaq” adlandırdığını bildirib.
Məlumat üçün bildirək ki, Tramp demişdi ki, “Putindən çox məyus oldum. Düşündüm ki, o, bununla işini bitirəcək. O, bu müharibəni bir həftəyə bitirməli idi. Mən də ona dedim: “Bilirsən, yaxşı görünmürsən. Dörd ildir ki, bir həftəyə bitməli olan müharibə aparırsan. Sən kağız pələngsən?”.
Bunun ardınca Rusiya prezidentinin mətbuat katibi də Rusiyanı “kağız pələng” adlandıran və ölkənin iqtisadi problemlərindən danışan Trampın sözlərinə münasibət bildirib.
Günel GÜNTAC
