Təxminən 600,000 fransalı ictimai nəqliyyatın fəaliyyətini dayandıran və regional dəmir yolu şəbəkələrində fasilələr gözləyərək qənaət tədbirlərinə qarşı kütləvi etirazlara toplaşıb.
ELAZ.İNFO xəbər verir ki, RİA Novosti-yə istinadən verdiyi yerli Parisien qəzetinin məlumatına görə, Ümumi Əmək Konfederasiyası (CGT) Parisdə 600 min etirazçının olduğunu elan edib.
Məlumat üçün bildirək ki, Parisdə etirazçılar “Biz milyarderlərə nifrət edirik” şüarları səsləndirərək və bayraqlar dalğalandıraraq, “Tesla” şirkətinin mağazasına məşəllərlə basqın ediblər. Etirazçıların ölkənin cənubunda ictimai nəqliyyatın hərəkətini pozduğu, regional dəmir yolu şəbəkələrinin kəsiləcəyi və şəhərlərarası qatarların hərəkət cədvəlində dəyişikliklərin gözləndiyi bildirilir.
Nəşrin məlumatına görə, etirazçılar bütün ölkə boyu iri sənaye müəssisələrini bağlayıblar. Şimalda onlar Stellantis avtomobil istehsalçısı və təkər istehsalçısı Michelin zavodlarının qarşısını kəsiblər, cənubda Tuluzada texnologiyaları, o cümlədən müdafiə texnologiyalarını inkişaf etdirən Thales zavodunun girişini bağladılar və Parisətrafı məhəllələrdə şirkətin baş ofisinin qarşısını kəsdilər.
Qeyd edək ki, Fransada “Hər şeyi bloklayın” şüarı altında kütləvi etirazlar sentyabrda başlayıb. Etirazçılar 2026-cı il büdcə layihəsində təklif olunan qənaət tədbirlərinə etiraz ediblər.
Bu, hazırda Fransanın keçmiş baş naziri Fransua Bayrunun iyulda təqdim etdiyi sənədə istinad edir. Səlahiyyətlilər əvvəllər planlaşdırılan 40 milyard avro əvəzinə, bir neçə büdcə maddəsi üzrə 43,8 milyard avro azaltmaq niyyətində idilər.
Qanun layihəsində pensiya və sosial müavinətlərin indeksləşdirilməsi də təklif edilmir. Həmçinin Müdafiə Nazirliyi istisna olmaqla, nazirlik və qurumlar üçün büdcə artımı nəzərdə tutulmur. Sonuncu “qlobal təhlükəsizlik vəziyyətinin pisləşməsinə görə” 3,5 milyard avro alacaq.
Bayrou həmçinin büdcə kəsirini azaltmaq üçün “Fransızların daha çox çalışması lazım olduğunu” ifadə edərək, iki bayram gününün iş günü edilməsini təklif edib.
Sentyabrın əvvəlində Fransada genişmiqyaslı etirazların baş verdiyi, 200-ə yaxın insanın saxlandığı və nəqliyyatın dayandırıldığı barədə məlumat vermişdik.
İlahə BAYINDIR
