ELAZ.İNFO xəbər verir ki, İsrailin ABŞ-dakı səfiri Yechiel Leiterin sözlərinə görə, ABŞ dünyada İranın yeraltı Fordo nüvə obyektini vura biləcək bombaya malik yeganə ölkədir. Fordo qurğusu İranın şimalındakı Qum şəhəri yaxınlığındakı dağların dərinliklərində basdırılıb və uranı yüksək saflıq səviyyəsinə qədər zənginləşdirmək üçün istifadə edilən qabaqcıl sentrifuqalara malikdir. Obyektin dəqiq dərinliyi ictimaiyyətə açıqlanmayıb, lakin bəzi hesablamalar onun 80-90 metr dərinliyində olduğunu göstərir.
CNN-in məlumatına görə, bazar ertəsi Merit TV-yə müsahibə verən Leiter, deyib ki, “Birləşmiş Ştatlar dünyada Fordonu havadan atılan bomba ilə zərərsizləşdirmək üçün lazım olacaq bombaya sahibdir. Ona görə də, həqiqətən də bu yola baş vurub-vurmamağa ABŞ qərar verəcək”.
İlahə BAYINDIR
