ELAZ.İNFO xəbər verir ki, Böyük Britaniyada polis Londonda qadağan olunmuş “Fələstin Action” qrupuna dəstək aksiyası zamanı 890 nəfəri saxlayıb.
İsraillə iş aparan şirkətlərə qarşı hərəkətləri ilə tanınan Fələstin Fəaliyyətinə qadağaya qarşı çıxan “Münsiflərimizi müdafiə et” qrupunun çağırışından sonra etirazçılar Parlament meydanına toplaşıblar.
Qadağaya qarşı çıxan etirazçılar özləri ilə gətirdikləri boş pankartların üzərinə “Mən Holokostun əleyhinəyəm, Fələstin Fəaliyyətini dəstəkləyirəm” sözlərini yazıblar. London Metropoliten Polisi qrupa dəstək verən etirazçılara müdaxilə edib.
London Metropoliten Polisi verdiyi yazılı açıqlamada həbslərin əksəriyyətinin qadağan olunmuş qruplaşmaya dəstək verdiyi üçün edildiyini bildirib. Etirazların zorakılığa çevrilməsindən sonra bir neçə nəfər də polis əməkdaşlarına hücum etmək və ictimai asayişi pozmaqda ittiham olunaraq saxlanılıb.
Açıqlamada “2000-ci il Terror Aktının 13-cü maddəsinə əsasən, Fələstin Fəaliyyətinə dəstək verdiyi üçün cəmi 857 nəfər, digər cinayətlərdən 33 nəfər, o cümlədən 17 nəfər polisə hücum etdiyi üçün nəzarətə alındı” deyilir.
Məlumat üçün qeyd edək ki, iyulun 5-dən Böyük Britaniyada qadağan edilmiş təşkilat elan edilən Fələstin Fəaliyyətinə dəstək məqsədilə avqustun 9-da da nümayiş keçirilib və polis nümayişdə iştirak edən 500-dən çox adamı saxlayıb.
İlahə BAYINDIR
