ELAZ.İNFO xəbər verir ki, Rusiya Birbaşa İnvestisiya Fondunun (RDİF) rəhbəri Kirill Dmitriyev Avropa İttifaqının iqlim siyasətini və BMT-nin Dayanıqlı İnkişaf Məqsədlərini kəskin tənqid atəşinə tutub. Dmitriyev hesab edir ki, Avropanın “yaşıl enerji”yə keçid üsulları vətəndaşlar üçün total məhdudiyyətlərlə nəticələnəcək. O, “X” (keçmiş Twitter) sosial şəbəkəsindəki paylaşımında Avropa rəhbərliyinin addımlarına kinayə ilə yanaşıb.
Məlumdur ki, Avropa İttifaqı 2050-ci ilə qədər karbon qazı emissiyasını sıfıra endirməyi hədəfləyən Net Zero proqramını icra edir. Məhz bu səbəbdən, bu aydan etibarən bir çox ekoloji hədəflərin qüvvəyə minməsi gözlənilir. Nəticədə, Dmitriyev Avropa vətəndaşlarına müraciət edərək istehza ilə yazıb: “Evdə qalın, uçmayın. Piyada gəzin, sükan arxasına əyləşməyin”.
İlk növbədə, RDİF rəhbəri qeyd edib ki, yanacağın normalaşdırılması (normalara bölünməsi) səbəbindən Aİ və Böyük Britaniyada aviareyslərin sayının azalacağı qaçılmazdır. Lakin, ekoloji hədəflərə çatmaq naminə iqtisadi artımın qurban verilməsi Avropada dərin böhrana yol aça bilər. Eyni zamanda, Dmitriyev Qərb mediasını, xüsusən “New York Times” nəşrini bu mövzularda qərəzli olmaqda ittiham edib.
Beləliklə, iqlim dəyişikliyi ilə mübarizə şüarı altında həyata keçirilən tədbirlər artıq sadə insanların gündəlik həyat tərzinə, səyahət və nəqliyyat azadlığına birbaşa təsir etməyə başlayıb. Qısası, Net Zero strategiyası Avropanı həm iqtisadi, həm də sosial sınaqlar qarşısında qoyur.
Ruslan MƏMMƏDOV
