ELAZ.İNFO xəbər verir ki, dünyanın ən yaşlı qadını Braziliyada 117 yaşında dünyasını dəyişib.Bu barədə BFM TV məlumat yayıb.
İna Canabarro Lucas ad gününə az qalmış 116 yaş 326 gün yaşında vəfat etdi. Qadın aprelin 30-da Porto Aleqridə bir rahibə evində dünyasını dəyişib.
Lukas 26 yaşında ikən rahibələrə qoşuldu. Roma Katolik Kilsəsinin bacıları arasında o, 118 yaşına qədər yaşayan fransız qadın Lucile Randondan sonra ikinci ən yaşlı idi.
İnanın ölümündən sonra dünyanın ən yaşlı qadını İngiltərənin Surrey şəhərindən olan Ethel Caterham oldu. Onun 115 yaş 252 günlük yaşı var. Kişilər arasında planetin ən uzunömürlü insanı hazırda 112 yaş 208 günlük olan braziliyalı Joao Marinyo Netodur.
Qeyd edim ki, əvvəllər bu titul yaponiyalı Tomiko İtukaya məxsus idi. 2024-cü ilin sentyabrında Ginnesin Rekordlar Kitabı ona rəsmi olaraq Yer kürəsinin ən yaşlı sakini statusunu verib. O, bu ilin yanvarında dünyasını dəyişib.
Materialı hazırladı: Esmira RƏHİMOVA
