ELAZ.İNFO
152 il öncə bu gün Azərbaycan Xalq Cumhuriyyətinin ilk baş memarı Zivər bəy Əhmədbəyov dünyaya gəlmişdir. Şərq və Avropa memarlığının sintezini tətbiq etməyi bacaran Zivər bəy 1922-ci ilə kimi Bakı şəhərinin baş memarı kimi fəaliyyət göstərmişdir. Şamaxıda Cümə məscidinin, Bakıda Təzə Pir məscidinin, Oftalmalogiya İnstitutunun, Göyçayda Əbülfəzlil Əbbas məscidinin (1898-1902), Əmircanda Murtuza Muxtarov məscidinin (1908),eləcə də Rusiyada bir sıra yaşayış, məişət binaları onun layihəsilə tikilmişdir.
O,1918-ci ildə Bakının azad edilməsindən sonra şəhid olanlara Çəmbərkənddə xatirə kompleksinin salınması üçün layihə də hazırlamışdır. Sovetlər dönəmində ağır təzyiqlərlə üzləşən Zivər bəy 1925-ci ildə Bakıdakı evində intihar etmişdir. Çəmbərəkənd qəbristanında dəfn edilən Zivər bəyin məzarı 1931-ci ildə məzarlıq dağıdılıb yerində Kirovun abidəsi ucaldılarkən itmiş və sonradan tapılmamışdır. Yəni məzarı indiki Şəhidlər Xiyabanında yatan şəhidlərimizin torpağına qarışmışdır.
Aydan
