ELAZ.İNFO xəbər verir ki, aprel ayının 9-da Avropa İttifaqına üzv ölkələr ABŞ-a qarşı cavab rüsumları barədə ümumi razılıq əldə ediblər. Avropa Komissiyasının mətbuat xidmətinin yaydığı məlumatda deyilir ki, “Aİ-yə üzv ölkələr Avropa Komissiyasının ABŞ-a qarşı cavab ticarət tədbirlərinin tətbiqi təklifini dəstəkləyir”.
Məlumatda qeyd olunur ki, Avropa Komissiyasının təklifi mart ayında ABŞ-ın Aİ-dən polad və alüminium idxalına rüsumlar tətbiq etmək qərarına cavab olaraq həyata keçirilib.
Məlumata əsasən, Aİ-nin cavab tədbirləri Avropa Komissiyasının daxili prosedurları başa çatdıqdan və icra aktı dərc edildikdən sonra qüvvəyə minəcəkdir.
Tariflərin tətbiq edilmə tarixi aprelin ayının 15-dən götürüləcək.
Avropa Komissiyası yaydığı bəyanatda onu da bildirir ki, ABŞ danışıqlardan “ədalətli və balanslaşdırılmış” nəticəyə razı olarsa, cavab tarifləri istənilən vaxt dayandırıla bilər.
Günel GÜNTAC
