ELAZ.İNFO xəbər verir ki, Avropa hüquq-mühafizə orqanları bu gün mütəşəkkil cinayətkarlığa qarşı bir neçə iri miqyaslı əməliyyatı uğurla başa vurub. İspaniya polisinin keçirdiyi xüsusi əməliyyat nəticəsində dünyada qorxu salan “Black Axe“ cinayətkar şəbəkəsinin 34 üzvü həbs edilib. Bu şəbəkə insan alveri, narkotik qaçaqmalçılığı və qlobal maliyyə fırıldaqlarında ittiham olunur.
Eyni zamanda, Almaniya və Çexiya polisi beynəlxalq tərəfdaşları ilə birlikdə Darknetdə fəaliyyət göstərən iri bir qanunsuz bazarın serverlərini ələ keçirərək fəaliyyətini dayandırıb. “Kingdom Market” adı ilə tanınan bu platforma vasitəsilə minlərlə insanın şəxsi məlumatları və qadağan olunmuş maddələr satılırdı.
İngiltərədə isə bu gün daxili təhlükəsizliklə bağlı yeni qanun layihəsi müzakirəyə çıxarılıb. Daxili İşlər Nazirliyi ictimai təhlükəsizliyi təmin edə bilməyən polis rəislərinin dərhal vəzifədən kənarlaşdırılması üçün xüsusi səlahiyyətlər alıb. Avropa üzrə keçirilən reydlərdə son 24 saat ərzində rekord sayda – 83 nəfər qeyri-qanuni miqrasiya və insan qaçaqmalçılığı şübhəsi ilə saxlanılıb.
Ruslan MƏMMƏDOV
