Elaz.info xəbər verir ki, Biləsuvar Rayon Mərkəzi Xəstəxanasına direktor təyin olunub. Tibbi Ərazi Bölmələrini İdarəetmə Birliyinin İdarə Heyətinin sədri Vüqar Qurbanovun müvafiq əmri ilə Asif Əhmədov 3 aylıq Biləsuvar Rayon Mərkəzi Xəstəxanasının direktoru vəzifəsinə təyin edilib.
Məlumat üçün bildirək ki, Asif Əhmədov Biləsuvar Rayon Mərkəzi Xəstəxanasının baş həkimi olub.
A.Əhmədov 1986-1993-cü illərdə Azərbaycan Tibb Universitetinin Müalicə profilaktika fakültəsində təhsil alıb.
1994-1998-ci illərdə Biləsuvar Rayon Mərkəzi Xəstəxanasında həkim-cərrah-onkoloq, 1998-2017-ci illərdə həkim-cərrah-travmatoloq kimi fəaliyyət göstərib.
2017-2021-ci illərdə Poliklinika şöbəsinin müdiri, 2021-ci ildən hazırkı təyinatınadək “Sığortanın təşkili və İnnovasiya” şöbəsinin müdiri vəzifəsində də çalışıb.
Biləsuvar Rayon Mərkəzi Xəstəxanasının sabiq direktoru Məmmədtağı Əhmədov 18 mart tarixindən vəzifəsindən azad edilmişdir.
Natəvan BƏYDİLİ
