İspaniyada evtanaziya əməliyyatı keçirəcək bir xəstə üzünü bağışlamaq istədi. Barselonadakı bir xəstəxana həşərat sancmasından nekroz keçirmiş xəstəyə üz nəqlini həyata keçirdi.
ELAZ.İNFO xəbər verir ki, İspaniyanın Barselona şəhəri tibb dünyasında bir ilkə şahid oldu. Dünyada bir ilk olaraq, bir xəstə evtanaziya keçirmədən üzünü bağışlamağı təklif etdi və xəstəxana üz nəqlini həyata keçirdi.
Məlumat üçün bildirək ki, Nüfuzlu Vall d’Hebron xəstəxanası mürəkkəb əməliyyatın üzün ortasından kompozit toxumanın köçürülməsini əhatə etdiyini bildirdi. Əməliyyatda psixiatrlar və immunoloqlar da daxil olmaqla təxminən 100 mütəxəssisin iştirak etdiyi qeyd edildi.
Xəstəxananın transplantasiya koordinatoru Elizabet Navas donorun “heyrətamiz dərəcədə yetkinlik səviyyəsi” göstərdiyini söylədi.
Navas dedi: “Həyatına son qoymaq qərarına gələn biri son arzularından birini tanımadığı birinə həsr edir və ona bu böyüklükdə ikinci bir şans verir.”
Xəstəxana həmçinin üz nəqli əməliyyatı keçirən Karmenin üzünə nə baş verdiyini də açıqladı. Xəstəxanadan verilən məlumata görə, xəstə həşərat sancmasının yaratdığı bakterial infeksiya səbəbindən üz toxumasının nekrozu keçirib. Bu vəziyyət xəstənin danışmaq, yemək və görmək qabiliyyətinə təsir edib. Mətbuat konfransında xəstəxana əməliyyatın yaxşı keçdiyini və transplantasiyadan sonrakı sağalma prosesinin çox yaxşı getdiyini bildirib.
Qeyd edilib ki, üz transplantasiyası tələb edən bu cür hallarda donor və alıcı eyni cinsdən, qan qrupundan və oxşar baş ölçüsündən olmalıdır.
Onu da qeyd edək ki, İspaniyada bu günə qədər həyata keçirilən altı üz transplantasiyasının yarısı Vall d’Hebron heyəti tərəfindən həyata keçirilib. Kataloniyadakı xəstəxana həmçinin 2010-cu ildə dünyada ilk tam üz transplantasiyasını həyata keçirib.
Sonda onu da bildirək ki, 49 milyon əhalisi olan İspaniya 2021-ci ildə evtanaziyanı qanuniləşdirən dördüncü Avropa Birliyi ölkəsi olub. Hökumət məlumatlarına görə, 2024-cü ildə 426 nəfər evtanaziya keçirib.
Günel GÜNTAC
