ELAZ.İNFO xəbər verir ki, Belorus Respublikasında Böyük Qələbənin 80 illiyinə (II Dünya Müharibəsi 41- 45-ci illər) həsr olunmuş “Великая победа – на века! поезия, проза, публисистика” (“Böyük Qələbə – əbədilik! poeziya, nəsr, publisistika”) toplusu nəşr olunub.
İdeya müəllifi Belorusiya Yazıçılar İttifaqının Minsk şəhər bölməsi, tərtib edənlər: М.П.Поздняков, Е.А.Стельмах, Т.В.Ковальчукdur. Kitaba Belorusiya Milli ədəbiyyat mükafatı laureatı Елена Стельмах “…И плачут строки” (“…və sətirlər ağlayır”) adlı ön söz yazıb.
Topluya MDB ölkələrindən olan şair və yazıçıların əsərləri, o cümlədən, Azərbaycan şairləri: Sabir Rüstəmxanlının “Дети сорок шестого”, Nurəngiz Günün “Прощание с млечным путем”poemaları, Böyükağa Qasımzadənin “Песня атаки”, Əli Kərim “Матери плачут” şeirləri də daxil edilmişdir. Müharibəyə həsr olunmuş şeirlər, poemalar, nəsr, publisistika əsərlərində göstərilən qəhrəmanlıqlar, ağrı, qürur hissləri əks olunub.
Əsərləri Azərbaycan Yazıçılar Birliyində Multikultural məsələlər üzrə məsul şəxs Xatirə Fərəcli təqdim edib.
Günel GÜNTAC
