Andromeda qalaktikası – Kainatdakı ən yaxın nəhəng qonşumuz
Gecə səmasına diqqətlə baxsanız, bəzən dumanlı bir işıq ləkəsi görmək olar. Bu, tək bir ulduz deyil – Andromeda qalaktikasıdır.
O, bizdən təxminən 2,5 milyon işıq ili uzaqlıqda yerləşir və Süd Yolu qalaktikasına ən yaxın nəhəng spiral qalaktikadır.
Andromeda təxminən 1 trilyon ulduzdan ibarətdir. Bu rəqəm Süd Yolundakı ulduz sayından ən azı iki dəfə çoxdur. Diametri 220 min işıq ili olan Andromeda bizim qalaktikamızla müqayisədə həm daha böyük, həm də daha parlaqdır.
Ən maraqlısı budur ki, Andromeda hər an bizə yaxınlaşır. O, saniyədə təxminən 110 km sürətlə Süd Yoluna tərəf hərəkət edir. Elm adamlarının hesablamalarına görə, təxminən 4 milyard il sonra iki nəhəng qalaktika toqquşacaq və nəticədə yeni, daha böyük bir qalaktika yaranacaq.
Andromeda qalaktikasına baxmaq, əslində, kainatın dərinliklərinə bir səyahət kimidir. Çünki biz onu hər dəfə gördükdə, əslində 2,5 milyon il əvvəlki halını seyr edirik. Bu, kainatın bizə göstərdiyi möhtəşəm zaman pəncərəsidir.
Andromeda yalnız bir qalaktika deyil, həm də bizim gələcəyimizin güzgüsüdür.
Aron HANUKAYEV
