Aybəniz FAZİL
Şairə
Bu gecə dolubdur gözün, buludum,
Ayın nur üzünü uman ağlayır.
Sabaha çıxmağa yoxdur umudum,
Bükülüb həsrətdə güman ağlayır.
***
Qıymadım sultana, şaha könlümü,
Sən saldın azara, aha könlümü.
Yoxdur ovudan da daha könlümü,
Dərdinə bürünüb duman ağlayır.
***
Aybəniz Faziləm, belədir gecəm,
Sevdiyim gözlərdə bəlkə də, heçəm.
Əcəl yaxın gəlmir, dünyadan köçəm,
Qorxub niyyətimdən “aman” ağlayır.
03.10.2025.
“Aman” -burada bir insan ömrünə ayrılmış zaman mənasındadır
