EAZ.İNFO xəbər verir ki, qonşu Dağıstanda təbiət hadisələri idarəolunmaz həddə çatıb. Güclü yağışlar və genişmiqyaslı daşqınlar nəticəsində bölgədə 110 min abonent hələ də elektrik enerjisiz qalıb. Regional rəhbər Sergey Məlikovun verdiyi məlumata görə, ən ağır vəziyyət Mahaçqala və Xasavyurt şəhərlərində qeydə alınıb. İlk növbədə qeyd edək ki, bölgədə “yüksək hazırlıq”, paytaxtda isə fövqəladə vəziyyət rejimi elan edilib.
Maxaçqalanın enerji təminatını həyata keçirən üç əsas mərkəz — “Mahaçqala-110”, “Primorskaya” və “Vostoçnaya” yarımstansiyaları tamamilə su altında qalıb. Buna görə də, işıqların bərpası üçün əvvəlcə suyun qurudulması lazımdır. Lakin sual yaranır: bu strateji obyektlər tikiləndə niyə bu cür daşqın riskləri nəzərə alınmayıb? Nəticədə, minlərlə insan həm susuz, həm də işıqsız qalaraq sistemin qurbanına çevrilib.
Təkcə Mahaçqala və Dərbənddə 100-dən çox insan evlərindən təxliyə edilib. Xüsusilə, çaylarda suyun səviyyəsinin qalxması körpülərin dağılmasına və dəmir yollarının iflic olmasına gətirib çıxarıb. Eyni zamanda, nəqliyyatın hərəkətində ciddi fasilələr yaranıb.
Ruslan MƏMMƏDOV
